Kenneth Lo

Jill's Transformation in 16 weeks - #AskKenneth

June 12, 2017

我於2002年便認識Jill。我們曾經代表 CWB Rugby Football Club 其中一隊剛剛創辦的Marine ,當時由Ocean 教練教導我們。

 

第一年,尤記得我隊的隊員全部都是初學者,所以每場都輸波,但我們的teamwork非常之好,越打越起勁。第二年,Rambo教練加入我們的團隊,訓練我們。我記得還拿了我們的組別冠軍。

 

Jill從來都不會做gym,他可能因為工作關係,經常要應酬和跟朋友吃飯。講飲講食必定有他份。上年十月回港跟前隊友吃飯,他還沒有提過要找我訓練他。但是今天一月,他電郵給我,話他一定要變得健康一些。

 

既然他咁有誠意,就開始設計訓練計劃和飲食計劃。我真的不相信他能夠熬過十六星期的訓練。大家要知道的是,去gym訓練是第一步,相對性比較容易,但要在家預備食物,減少出街食飯是完全改變他的生活習慣。

 

所以,我相當佩服我所有跟我訓練的朋友。

 

以下是他經過十六星期地獄式訓練的分享:

 

1. 我為何開始接受訓練呢?

 

有一日當我沖完涼照鏡,一見到個肚腩咁大個,好像有了幾個月身孕似的,我想我餘下人生是否要咁樣落去,因為我知道我而家冇肥胖帶比自已既病,但將來一定會有,如果而家叫做後生既時候,有心有力既情況之下去做,難道到我七老八十先開始就乜都唔洗做了,所以我叫Kenneth 去訓練我,我要同自己講我一定會做到既!

 

2. 在訓練期間,我遇到什麼困難?

 

好難!好難!

我同大家講如果你怕累,怕煩,怕辛苦,請不要參與!

真的要非常控制飲食。

 

"記住修身係七成飲食,三成做GYM。"

 

你暴飲暴食,點做都唔會有用!

 

由於我自己係一個大飲大食既人要跟餐單食野係非常困難,由於我平時食所有野都有問題,唔肥唔油唔炸,唔食,到而家我食既野會好小心揀擇!

 

 

3. 有什麼原因驅動我進行訓練和嚴謹的飲食呢?

 

上文有講到,自己肥到一個地步,有D 病佢會黎揾你,但我要係佢地黎揾我之前趕佢地走,因為當你有病痛影嚮唔止自己,仲有好多身邊人。

 

 

4. Kenneth教練如何在訓練期間幫助我?

 

Kenneth 安排左一個16星期既訓練計畫比我,等我可以一步一步由淺入深咁去做,另一個從未對做GYM 認真既人提起對做GYM 既興趣,另我想做另一個 Kenneth去幫下我身邊既朋友。

 

做GYM 唔一定係死大隻,其實可以令到自己既身材好靚都得!

 

5. 我的身型有什麼改變?

 

由最初我搵Kenneth的時候,我的體重83kg ,到我最後一日訓練只有74.4 kg ,足足減了8.6kg。

你問我,有咩分別?

我會用圖片去說故事。

唯一既唔好處就係我要買過晒D 褲,因為鬆左好多,哈哈!

 

 

6. 究竟Online Coaching 有沒有效?

 

有沒有效?好睇個人。

 

如果你係一個好有紀律既人,會好有效。

 

因為所有飲食,做GYM都要好自律,好似我咁我係康文署做GYM ,因為係我屋企隔離,但由9點開始會陸陸續續好多人去做GYM,咁我就養成左我6點幾起身,7點左右就會去做GYM 做到8點幾,因為人數唔多,我想做咩都可以。

 

咁你覺得我由一個訓到飽先起身既人定而家我唔洗鬧鐘我都識醒會好D ,每日做完GYM 去返工有種講唔出既精神係度,我答你唔到,你去試下就知!

 

以下是我的食物圖片:

 

 

 

 

 

 

 

 

Share on Facebook
Please reload

Recent Posts
Please reload

Archive
Please reload

Search By Tags