Kenneth Lo

Transformation Story by Polo Kwan

December 15, 2017

2016年8月初,一個BBQ聚會上,我除左上衣,有朋友問我,是否做開GYM,我答佢,都做左成十年,不過斷斷斷續續地做,另一個朋友的女朋友就大大聲地講:係咩?!一D都唔似喎!我男朋友就做開GYM。

訓練前後的分別

 

p.s. 佢係一個超過200磅,腰圍估計超過40寸的中年女士,而佢男朋友係一個身高170CM,體重230磅,腰圍估計超過43寸中年男士

 

2016年10月中,我去GYM ROOM度撞到一個buddy, 佢話我好勤力,呢排成日都見到我,我話係呀,呢排每日都操3-4日,唔想咁肥,想增返多D肌肉,但可惜越操好似越肥咁,操極都好似冇料到,肉係好似多左,但肚腩仲多肉!

 

 

佢介紹我搵Kenneth Lo,一位前划艇教練,之前去左做健身教練,跟住移左民做online coaching,我心諗,唔係呀嘛,online 點 train 我呀?我做錯動作你又唔知,HEA做你又唔知,要你幫手你又幫唔到手,騙局一個…不過我信我buddy,佢唔會介紹D衰野比我,即管了解一下…

 

從佢FB同IG了解到佢係一個超級勤力,身型超靚既人,我當時睇完佢D相,一來立心要練到佢咁既身型,二來決定試一試呢個online coaching service. 好多跟過Kenneth 既人都知道過程係點,呢度唔多講。啱開始果時要CUT 碳水化合物,要低卡路里真係唔係人人都頂得順,又要返工,又要做GYM,頭暈,腳軟經常性會發生,但慢慢跟住Kenneth比既program同飲食資訊,加上身體慢慢適應左,就已經冇再出現。

 

 訓練前

 

當3個月過去,睇到自己的身型已經作出好大的改變,加上Kenneth 不停地透過電郵, whatsapp 跟進,包括飲食同訓練都要如實報告(人總係咁,總不會自覺,要有人鞭策下,推下先會郁),再調節訓練計劃同飲食,我對Kenneth呢種形式的訓練方法信心大增,最重要既係見到佢每日都風雨不改地去訓練,去教導,去學習,真係推動到我,令我冇藉口偷懶。講到呢度,利益申報左先,我冇收錢賣廣告。

 

 

每星期4-5日的訓練,加上每天食一D水煮白烚既野,出街食飯好多限制,好多人都問,做人咁辛苦做咩呀!

 

每一次我都回答佢地,我好多野都食過,好多酒都飲過,就係未試過現腹肌,何況我一D都唔覺得辛苦,食物既滿足遠遠比唔上睇住自己條皮帶一日緊過一日咁滿足。

 

 

由於去左幾次旅行,本身又為食,有時又要返國內,所以我維持左低卡路里一年有多,有時會想放棄,有時又心情好低落,但只要一打開FB,睇下Kenneth,睇下佢D學員,咁多人都堅持到,點解我唔得!果團火又會馬上著返

 

經過左14個月控制飲食同重量訓練,身體已經作出左一個翻天覆地的變化,好多不良的飲食習慣亦已改善,從中亦訓練自己的恆心,耐力同意志。今次算係第二次派成績表,講真真係不太滿意,不過比起一年前,已經好左好多,條路好長,或者講『沒有完結的一天』,就似學習一樣,永無止境,但我會為自己,為家人繼續落去,只有保持健康的身體,先係愛家人的表現!

 

"Don't expect to be motivated every day to get out there and make things happen. You won't be. Don't count on motivation." Jocko Willink

 "Physical strength measures what you can do. Mental strength measures whether you'll actually do it." Tim Grover

 『當每一次的訓練都是最後一次,付出所有。』

呢度要特別多謝幾個人(排名不分先後):Sum Lai, Kenneth Lo, Angus Chan, Hanson Lam

 

Share on Facebook
Please reload

Recent Posts
Please reload

Archive
Please reload

Search By Tags