Kenneth Lo

減磅 vs 減脂

November 3, 2016

開始時,等我定義一下什麼是減磅和減脂先。

 

減磅,英文是weight loss。等於你只要磅輕了便成功。不論你透過什麼方法都得。例如商業型的diet方法:食素、飲菜汁、飲shake...大家不用知道肌肉和脂肪比率,磅就是一切。大部份香港人正是這樣,不要太多付出,便可以很快減磅。我們稱他們為skinny fat - 低肌肉,多脂肪。負面情況,等陣再講。

 

另外一方面,減脂顧名思義就是減走脂肪。而什麼東西可以燃燒脂肪呢?就係肌肉,及卡路里減小(calories deficit)。

 

瘦,英文是Thin,很多肥人想瘦D,想重量輕D,便淨係去減磅。同時,亦有人想好想tone D,他們便去做gym。但是,奇怪事便出現。他/她想要tone,但又不想要肌肉。我諗了好耐,究竟什麼是tone D又不要肌肉呢?

*Toning 其意思是可以見到少少線條。其實Toning 等於Lean,意思係有少少肌肉及少少脂肪。呵!我明白晒。

 

Anyway,其實有少少肌肉及少少脂肪絕對不容易。要有計劃地做gym,又要作合適的飲食習慣。

 

我個人並不prefer食素、飲菜汁、飲shake...方法。它們可以極速令重量下降,但很快很容易回升,因為無蛋白質支持,蛋白質加做gym便可建立肌肉,從而燃料脂肪。

我有個客人,跟我訓練前,她食了素十多年,非常瘦,但頭髮脫落,手指甲亦很黃,非常不健康。好彩她跟我訓練後改變了飲食習慣。

 

其實,如果你每天整日都是食麵包加紙盒飲品,然後中午去茶茶餐,晚上又食外賣,久不久又要應酬飲幾杯,even你請全宇宙最高級的教練來train你,你都好難會變瘦或變lean。你估做甘容易做到電影激戰的張家輝?

 

總結:

# 想瘦比想lean容易。

# 瘦可以無肌肉無腹肌。

# 瘦並不健康。

# 瘦容易受傷。

# 減磅很快,回升亦更加容易。立即見效。

# 淨係食菜的話,睇下可以維持多久。多數,很容易疲倦,無精神。唔好話去做gym。

# 一個70至80公斤的男人,如果長時間食超低卡路里(大約低於1000-1200kcal),心情低落,失去性慾,肌肉流失,容易受傷....

Share on Facebook
Please reload

Recent Posts
Please reload

Archive
Please reload

Search By Tags