A Beginner's Transformation Story

A Beginner's Transformation Story 一位初學者之身型改造

2017年4月17日 同3位朋友一齊決定要減肥，因為當時過磅已經82KG! 發現已經去到一個危險的重量，由一開始自己戒飲食冇消夜，早餐用代餐以為可以成功減到，但維持左2個月成效都不大。

到6月頭同啊JILL 傾計時講起，我個減肥計劃好似冇咩料到有冇方法推介幫。我好想減走個肚腩啊!

佢介紹左Kenneth Lo 比我，因為Jill 都係Kenneth Online Coaching 其中一個成功案例。

但開始時就都有擔心過自己可唔可以應付到。因為我係一個唔多運動對GYM又係零知識的新仔。

『你不用每天學習新的動作。而是在同一個動作中去發掘不同的感覺。』

當開始接觸教練後佢會提供好多教材比我學到好多新知識，由做GYM到飲食上都學到好多.所有事都係由零開始學起，我仲好有印象自己第一日去做GYM 影左影片比教練睇，錯TEMPO、動作又錯、教練都好細心禁幫我改正返。

『如果你未曾有腹肌的話，何不今天便開始控制飲食，及作有計劃的訓練呢？』

而教練每日都會關心我飲食、訓練、身體情況應唔應付到training。

係呢個推動下維持每個星期4-5 日訓練再加上自己飲食轉變，由自認為健康飲食變為到學習『識食適食』。

經過幾3個月下身體已經有所轉變，但肚腩仍沒有消失。但呢個成效已經帶給我有訓練的恆心，不良飲食習慣已經逐漸改善，仍需努力!

經歷5個半月控制飲食加重量訓練下，身體已經出現極大改變。

將跟左我10幾年肚腩終止同佢分開。從未擁有過的腹肌，背肌竟然係我身上。

呢種滿足真係好正。但我知道呢一刻只係起步，要保持呢種健康身體仍有好長路要行落去。

好記得教練講過

”I don’t have any magic, only self-discipline"

我會繼續努力落去!

『比任何人更加努力地訓練，永不言敗。』

最後好多謝2個人: Kenneth LO，Jill Tsang 辛苦左你地係呢段時間幫助我呢個改變。